صديق سابق
هي: ليش قاعد لحالك.. شايفة القهوة مليانة رفقات لألك . .
هو: هيك جاي ع بالي . .
هي: بعدين معقول كل هالرفقة المهمين عندك وما حدا منهم دبرلك شغل . .
هو: كانوا مهمين . .
كانوا؟!.. ليش هاد أبو القميص الأزرق شو بيشتغل . .
هو: مسوؤل سابق . .
هي: وهاد أبو الطقم البني . .
هو: دبلوماسي سابق . .
هي: وهادا أبو الشعر المنكوش . .
هو: صاحب شركة إنتاج فني . سابق . .
هي: وهادا الممثل . .
هو: مثل ما شايفته بيموت دايماً بالحلقة الأولى؟! . .
هي: وهاد أبو الشنطة السامسونايت . .
هو: مليونير سابق . .
هي: وهادا أبو الشعر المربوط . .
هو: مهندس ديكور سابق . .
هي: وأنت شو علاقتك فيهن كلهم . .
هو: أنا ؟! . . أنا صديقهم . .
هي: صديقهم . .
هو: أي . . صديق سابق . .
