زائد ناقص

خراس، صحيح انك مواطن نقاق وما بتنعطا وجه، شبك صرعت الدني انو ارفعنا سعر المازوت والبنزين، بشو لازمك البنزين بدي افهم؟! بالأساس مو ضروري يكون عندك سيارة خاصة، شوه الرفاهية الزيادة والبلد بحرب، ومو ضروري تركب تكسي، ما المشي أحسن ئلك ولصحتك، ونحنا كتير خايفين على صحتك، ومتل ما بتعرف بالحركة بركة، وجسمك بيقوى عالمشي..
وإذا زادت أجرة السرفيس كام ليرة شو هالمشكلة، وبالاساس خليك عالمشي شو بدي ضل ذكرك انو المشي منيح للصحة، وترتفع شوي الاسعار شو هالقصة، قنن شوي، مانا مارقة عليك سياسة التقنين، مانك شايف البلد عايشة بحرب، يعني لازم تتحمل يا مواطن، ومشان البرد والشتوية لا تصرعنا، منعطيك بطانيات، بتلف حالك فين أنت ومسكر تمك، شبك ما حلك تفهم، نحنا بحرب، والتقنين واجب وطني، بس التقنين على المواطن والمسؤول ع راسو ريشة..

   

أول الغيث
أصدر وزير الاقتصاد والتجارة الخارجية همام الجزائري قراراً سمح بموجبه للقطاع الخاص باستيراد مادتي الفيول والمازوت لصالح المنشآت الصناعية في المدن والمناطق الصناعية والمنشآت الصناعية المرخصة استثناءً من أحكام المنع.

t
الهروب إلى الأمام
أكد رئيس هئية المنافسة ومنع الاحتكار أنور علي، أن قرارات تحديد الأسعار التي تصدرها وزارة التجارة الداخلية وحماية المستهلك هي نوع من الهروب إلى الأمام  ولا تساوي تكلفة الورق والحبر الذي تطبع به.

   
 
36 محطة وقود مخالفة
ضبطت مديرية التجارة الداخلية وحماية المستهلك في ريف دمشق بالآونة الأخيرة 36 محطة وقود في أرجاء المحافظة بمخالفات البيع بسعر زائد والنقص بالكيل والاتجار في المادة بالسوق السوداء والتصرف بالاحتياطي والإعلان بسعر زائد، كما تم إغلاق ثلاثة معامل لإنتاج الحلاوة والطحينة لوجود جراثيم السالمونيلا في الإنتاج وضبط 66 طناً من القهوة المخالفة في أحد المعامل.

   

سورية الثالثة عربياً
قال مدير التسويق في وزارة الزراعة والإصلاح الزراعي مهند الأصفر إن الحمضيات السورية تحتل من حيث الإنتاج المركز الثالث عربياً و7 متوسطياً و18 عالمياً.


   
إنذار 195 شركة
كشفت المؤسسة العامة للتأمينات الاجتماعية في ريف دمشق، أنها أنذرت 195 شركة لدفع ما يترتب عليها من اشتراكات تأمينية للمؤسسة، موضحة ضرورة التسديد خلال مدة أقصاها 15 يوماً.