بريد قاسيون| الجامعات والمصارف العقارية
جامعة دمشق ما عم تقبل تستلم من ولا طالب رسوم التسجيل لا بالتعليم الموازي ولا المفتوح وهادا عم يخلق طوابير كل يوم عند الصرافات الآلية تبع المصرف العقاري وخصوصا الصراف ياللي عند كلية الحقوق
الطلاب عم يجو من غير محافظات ليسجلو واحيانا ما عم يقدرو يخلصو من موضوع الدفع بنفس اليوم فبيضطرو يضلو بالشام يوم زيادة. يعني معقول ما في ولا حل لهاد الموضوع؟ الناس عم تقضيها عند الصرافات خايفة تنسرق هادا عدا عن المضايقات يلي عم يتعرضلوها الطالبات.. ليش ما يكون فينا نسجل وندفع بالجامعة وترجع الجامعة تحط المصاري بالعقاري؟ مو أحسن من منظر البهدلة كل يوم؟
