القصيدة الفائزة يا روح روحي، يا وطن
■ كلمات: فردوس النجار
■ألحان: د. غزوان الزركلي
قاعدْ على كتافي عُمُر
وبقلبي كايد نار
غربان بتروح وتجي
سميتها أطيار!
شو قصتك؟ يا روح روحي، يا وطن
يا روح روحي، يا وطن
وشفاف نشفانة، وقهر، ومرار
وعيون فيها النار تاكل نار
شو قصتك؟ يا روح روحي، يا وطن
يا روح روحي، يا وطن
إنت الحقيقة، يا وطن
إسمك متل قداس
يكسر شآمات القتل
ويعمد الأعراس
شو قصتك؟ يا روح روحي، يا وطن
يا روح روحي، يا وطن
وتقلت حكايا الحب، والسمار
وصارت تهز براسها الأشجار
شو قصتك؟ يا روح روحي، يا وطن
يا روح روحي، يا وطن
دمشق/ 3/9/2009
