عطّال.. و بطّال الصحافة الجريئة

هو: بتزعل وزارة الصحة..
هي: طيب ع المستشفيات الخاصة..
هو: كمان بتزعل وزارة الصحة..
هي: لكان بنحكي عن التلوث..
هو: بتزعل وزارة البيئة..
هي: عن الميكروباصات..
هو: بتزعل وزارة النقل..
هي: شو رأيك نحكي عن شرطة المرور..
هو: بيزعل قسم المرور...
هي: لكان عن الضرايب..
هو: بتزعل وزارة المالية..
هي: طيب عن الجرايد والمطبوعات..
هو: بتزعل وزارة الإعلام..
هي: عن مذيعات التلفزيون..
هو: بيزعلوا كل وزراء الإعلام.العرب.
هي: وجدتها.. بنحكي عن الإرهاب..
هو: لا ولي .. بيزعل أسامة بن لادن..
هي: بنحكي عن الحروب..
هو: بيزعل جورج بوش..
هي: طيب عن الإجرام الإسرائيلي..
هو: بيزعلوا العرب..
هي: عن احتلال العراق..
هو: بيزعلوا المعارضة..
هي: عن السلاح النووي الإسرائيلي..
هو: بيزعلوا المفتشين..
هي: أحسن شي نحكي عن كرة القدم العربية التعبانة..
هو: بيزعل ابن همام..
هي: طيب عن نادي الإتحاد أو الحرية..
هو: بيزعلوا الحلبية..
هي: الأهلي والزمالك..
هو: بيزعلوا المصريين..
هي: عن الهلال والنصر..
هو: بيزعلوا السعوديين..
هي: عن الحب..
هو: بيزعل المجتمع..
هي: عن الأكل..
هو: بيزعلوا صاحب المطاعم..
هي: عن شو بيحكوا  الصحفيين العرب  لكان..
هو: بتعرفي..
هي: شو..
هو: بنشكر الله أنو ما لنا صحفيين..
هي: بنشكره وبنحمده..