فيسبوكيات
طغى على فيسبوكيات هذا الأسبوع الطابع التهكمي الذي يحمل ضمناً جرعة كبيرة من النقد، وخاصة على مضمون التصريحات الرسمية بالمقارنة مع الواقع المرير الذي يعيشه الناس.
حول الخبر المتداول على الصفحات العامة عن رغبة السورية للتجارة باستيراد خمسة الآلاف طن من مادة البطاطا، وردت العديد من التعليقات، منها:
«ما بتوصل البطاطا المستوردة إلا ويكون طلع موسم البطاطا عنا وبالتالي بيلتعن الموسم عنا وبيلتعن أبو المزارع معو».
«أكيد في لعبة كبيره من شان يلعنو أبو المزارع يلي عندو بطاطا ويلعنو بَيْ المواطن يلي غصب عنو عم يشتري كيلو البطاطا بـ ٣٥٠ وما بيعمول شي ..ع أساس نحنا فينا نطمح بـ أكتر من بطاطا بـ بيض»
على صفحة الحكومة الرسمية على فيسبوك ورد عن لسان رئيس الحكومة: «بعض المُخَلصين الجمركيين وبعض العاملين في الجمارك عرابين المخالفات التي تشوب عمل الجمارك ولن نسمح باستمرار ذلك».
وهذه بعض التعليقات التي وردت على الصفحة نفسها:
«خلونا نشوف أفعال .. عقوبات .. حجز على أموال .. كل الدنيا بتعرف تحكي وبتعرف إنه في فساد وعلى عينك يا تاجر ... بدنا أفعااال».
«للأسف اجتماعات نوعية دون نتائج ....المواطن ينتظر أفعالاً وليس أقوالاً... مللنا التنظير».
خبر متداول على الصفحات العامة يقول: «إلزام أصحاب المطاعم والمنشآت الغذائية والمحال التي فيها مغاسل للزبائن وفي المطابخ بتركيب حنفيات ليزرية لا تستعمل فيها الأيدي لفتح وإغلاق الحنفية وعدم الترخيص لأية منشأة جديدة لا تستخدم هذه الحنفيات».
وفيما يلي بعض التعليقات على الخبر:
«أكيد في صفقة حنفيات متل مافي صفقة بطاريات وليدات ومولدات»
«يا حرام الظاهر في مستورد لسا صغير وع قدو بدو شوية مساعدة.. العمى ولوووو.. لك بفنادق النجوم التسعة بالعالم ما في هيك إلزام.. فعلاً نحنا سباقين بكل شي.. كلو كرمال صحتك الغالية يا مواطن..».
ونختم ببوست متداول على العديد من الصفحات العامة والخاصة يقول:
- هل تزوجت؟
- إي تجوزت وصار عندي ولدين.
- الله يخليلك ياهن.. بأي صف ولادك؟
- والله واحد بصف المازوت.. والتاني بصف الغاز..
وناقل الكفر ليس بكافر
