(رامي19 سنة وأسعد18 سنة – التاريخ 2013) - بتتذكر يا أبو سعود لما أهالينا كانوا يقولولنا أنو بسنة 2011 وقبلها كانت المعاملات يللي فوق الأساطيح تكلف آلافااات الليرات.. وأحياناً كذا عشرتالاف؟ -  أيه يا أبو الرام.. تعيش وتتذكر.. بس وينك هلأ أرخص.. شبك هلأ صارت بالدولار عمي.. دخن لقلك دخن! -  لكْ.. بتذكر أبي كان يقول أنو ابن عمو دفع ست تالاف ليرة مشان يطلع شهادة سواقة لأخت مرتو.. -  يا حرام ع هديك الأيام.. الأسعار كانت كفر يا زلمة.. إيه هلأ نفس المعاملة ما بتكلف أكتر من ميتين دولار.. ميتين دولار بس! -  لاء لاء.. وابن جيراننا دفعولو أهلو خمسوعشرين ألف ليرة مشان تأجيل دراسي... -  يا حرام.. يا أبو ال…

«عينة من استفتاء شعبي افتراضي».. س- شو بدكم من جنيف؟ ج1- لك أنا ما بدي جنيف أصلاً.. لحتى الكبار يكملوا ضحك علينا والصغار تبعنا يصدقوا اللعبة..! وشو بدك يعني جنيف يلحس دماء شهدائنا..! ج2- أخي.. كبار ولّا صغار، المهم يتفقوا ويخلصونا بقا.. بدنا نعيش.. بس بكرامة.. والله يرحم كل الشهدا يللي شهدا عنجد..! ج3- عمي.. بدي عيش بكرامة وبدي تصير البلد أحسن من أول.. ونخلص من كل الحرامية.. ويبطل حدا يتطاول ع حدا.. ومعلش تكون لقمتنا مغمسة بعرقنا.. طبيعي.. بس تكون بتكفينا وأزود شوي صغيرة.. ما حدا ضمنان مستقبل ولادو! ج4- والله يا أستاذ.. يعني الوضع عموماً صعب ومو متل الأول.. بس أنا مو فارقة معي شي كتير.. الحمد…

أبو محمد.. أبو محمد.. منيح يللي شفتك! أهلين والله أبو أسعد.. كيفك.. شو عم بتساوي هون بالسوق؟ وين غاطط؟ خيو.. قبل الأهلين والسهلين.. شو قصة كل هالهجمة والمسبات عليكم.. مو لساتك مع حزب قدري جميل؟ أبو أسعد.. أول شي نحنا عنا حزب.. والرفيق قدري من أبرز وجوهه.. تاني شي مو ملاحظ أنو دائماً الهجوم علينا بيجي من أطراف هي مختلفة بينات بعضها عل أساس.. وبنفس الوقت بيهاجمونا على كل القصص بالسياسة والاقتصاد وبأي شي بنحكيه.. ناس محسوبين ع النظام وناس محسوبين ع المعارضة؟ بتعرف ليش؟ ليش.. وليش هلأ العيار زايد شوي كأنو؟ هلأ ليش.. فكّر فيها! غريبة مو؟! وليش زايد العيار.. وع المكشوف؟؟ أخي.. لأنو الطرفين طوال الو…

موالي متشدد: شكلها قصة جنيف جد.. يعني في حدا ما بدو يانا نكمل حسم لندعس هدول الخونة والأنذال.. ويا حبيبي بكرا بيجوا بيقاسمونا نفوذنا وممكن يبلش من أين لك هذا واقعود وتضبضب.. شلون بدنا نعيش بعد هيك؟ كأنوا ما بيكفي كل شي ساويناه لها الوطن.. بس لا والله ما رح نمرقها هيك بالساهل.. قال شو.. قال حل سياسي قال! ههه.. قدمنا كتير شهدا ومستعدين نقدم كمان.. كلوا فدا الوطن..! معارض متشدد: لعمش.. كأنو رح نروح ع جنيف جرجرة يا حبيب.. شو يللي عم بيصير؟.. لعمش.. لك مو على أساس بدنا نسقط القتلة ونستلم السلطة؟ يا سلام وبكرا إذا رحنا ع حوار وحل وحكومة موحدة يا بعدي.. من وين بدنا نجيب مصاري إذا تسكرت علينا الحنفيا…

  بابا.. بابا.. قوم شوي الله يخليك.. بدي أسالك كم سؤال.. شو بدك بآخر ها النهار؟ أبي.. سعيد ابن جيرانا يللي تقوص أبوه من كم يوم كان عم يقللي قبل شوي أنو ما في عيد ها السنة.. هلأ بكل سورية ما في عيد ولا بس عنا؟ ولا هو عم يحكي عن عيلتهم؟ لاء بابا.. في عيد وما في عيد..! شو يعني.. ما فهمت؟ يعني في محلات فيها مراجيح ودويخة.. وأحصنة.. وبليلة وفول مسلوق؟ إيه وسيارات مطارقة كمان..؟ إيه بابا ممكن.. بس... طيب بابا ما فيك تاخدني عليها... معلش ما بدي أواعي جديدة.. وبعرف أنو ماما قالت أنو ما في غاز لنساوي حلو.. بس ما فيك تحكي مع عمو تبع الحواجز يمرقونا.. ساعتين روحة رجعة بس.. ما بنتأخر.. بابا.. ما بعرف…

  تعا نتعلم نختلف من دون مسبات وتهم جاهزة.. تعا نتعلم نختلف من دون ما نقتل بعض ونفظع ببعض.. تعا نتعلم نختلف.. وبنفس الوقت نتفق على هداك يللي جاي من أقاصي الأرض ومن خارج التاريخ لحتى يقتلني أنا وياك ويقتل أرضنا وتراثنا وأحلامنا.. وحتى وجودنا أخي متل ما «عندكم» «عنا»..  في مين ما بدوا أحكي أنا وياك.. ما بدوا نحكي كلنا مع بعض.. تعا نشوف ليش؟ ومين المستفيد، أنت وأنا، ولا هو؟ وكمان ليش وكيف؟ بتقلي دم.. بقلك دم.. بتقلي تعا نشوف كيف فينا نوقف الدم.. بقلك تعا نجرب..! أخي أنت بتقول بدك سورية وأنا بقول بدي سورية.. تعا نشوف أي سورية بدنا، سورية يللي كنا بنعرفها بمدنها وضيعها وسهولها وجبالها وبحرها وأنه…

أقر المؤتمر الثاني للجبهة الشعبية للتغيير والتحرير المنعقد بدمشق يوم 5/10/2013 جملة من القرارات والتوصيات الواردة فيما يلي:

  • أخي مضمون القرار من وزارة التربية حسب ما فهمته كان واضح.. تقديم كل التسهيلات لـ«الوافدين» من المناطق السورية إلى مناطق أخرى لضمان الحد من التسرب المدرسي القائم أو المستجد بسبب الأحداث.. منيح، بس في حدا ممكن يفهمني ليش في مدراء أو موجهين، مخهم مدري من وين، حابين يتعاملوا بنرجسية أو تمييزياً مع بعض التلاميذ، وبكل وقاحة بقولولهم: أنتو ما إلكم كتب.. الأولوية لطلابنا..! يعني هدول طلابكم ونحنا أولاد البطة السودا..! • أخي أنا عايش أو هيك وصفي طالما عم اتنفس.. المهم عايش على معاشي تبع شهادة التاسع.. وراتبي مع كل الزيادات يادوب يوصل لـ15 ألف ليرة سورية، بيقدر أي فهلوي يشرحلي، لأنو لهلأ ما عم تظبط…

«حاجز مسلحين»: شو هادا يللي محمله بسيارتك.. حليب وجبنة.. شو يا؟! ناوي تمد النظام بالأكل «تبعنا» و«من مناطقنا».. شوف يا بتنزلهم بأرضهم.. يا أما بترجع مطرح ما أجيت.. شو ما عندك نخوة أنت.. بدك تبيع النظام جبنة وحليب يا فهمان.. نحنا عم نقاتل مشانكم وأنتو دايرين ع كم ليرة يعطيكم ياها يللي عم يقتلوكم..! وشو رأيك تجيب من عندهم مازوت وغاز.. ومولدة كهربا كمان.. ارجاع ارجاع ولا تطلع علي هيك أحسن ما تشوف شي ما يعجبك.. واتركلنا ها الخشبات يللي بصندوق سيارتك جاية الدنيا ع شتا بيلزمونا.. يللا حاجز «نظامي»: اف اف اف.. شو هادا كلو يللي حاملتيه معك.. خمس ربطات خبز دفعة واحدة.. شو ناوية تطبخي فول مقلى لهدول ال…

صرّح الناطق الرسمي باسم حزب الإرادة الشعبية في دمشق بأنه لا صحة لما نُقل عن لسان د. قدري جميل أمين حزب الإرادة الشعبية في مقابلته التي أجراها مع مراسل صحيفة (الجارديان) البريطانية بتاريخ 19/9/2013 من أن الحكومة السورية ستطلب خلال مؤتمر جنيف وقفاً لإطلاق النار. حيث أن المقابلة جرت مع د. قدري جميل بصفته أميناً لحزب الإرادة الشعبية ومخولاً للنطق باسمه، ومن جهة ثانية فقد تم التأكيد خلال المقابلة على أن مؤتمر جنيف سيبحث حكماً وقف التدخل الخارجي وإيقاف العنف وإطلاق العملية السياسية. إن مراسل صحيفة (الجارديان) لم يكن دقيقاً ومهنياً وموضوعياً في نقل فحوى الحديث، بل قام باجتزاءه وتشويهه، ولذلك اقتضي…

  هي له: يعني بقي النظام العظيم تبعكم «يفلق سمانا» بالمقاومة والممانعة والتوازن الاستراتيجي.. وشوفوه عند أول تهديد حقيقي سلّم الكيماوي وما بنعرف شو ممكن يسلّم كمان. والأنكى أنه بعد ما مات نصف الشعب السوري واتشرد نصفه الثاني بالداخل والخارج، «بتجي» ناس «غبية» من طرفكم تسمي حالها معارضة بالداخل و«بتقلك» حوار ومصالحة، «مع مين دخلك، مع الشوية يللي ملطخة أياديهم»؟.. المطلوب ضربة خارجية من الدول القوية «تخلصنا بقا»، يا نعيش يا نموت، و«الله ما بعرف ليش معمي ع قلبو أوباما»..! هو لها: أنتم أصلاً عملاء، وخونة وأنتم من أياديهم ملطخة، ولازم إبادتكم عن بكرة أبيكم، ورح ندعس عليكم دعس، بعد ما نعلق مشانقكم،…

عقد المجلس المركزي للجبهة الشعبية للتغيير والتحرير اجتماعه الدوري بدمشق يوم السبت 14/9/2013 بحضور ممثلي المحافظات من حزبي الإرادة الشعبية والحزب السوري القومي الاجتماعي والشخصيات الوطنية المستقلة ولجان الحركة الشعبية. ناقش الاجتماع جدول العمل المقدم له من هيئة الرئاسة والمكتب التنفيذي للجبهة والذي تضمن: 1-تقرير سياسي قدمه الدكتور قدري جميل حول عمل الجبهة بين اجتماعي المجلس المركزي وآخر المستجدات السياسية. 2-التحضير للمؤتمر الثاني للجبهة والتعديلات المقترحة على وثيقة الأهداف البرنامجية واللائحة التنظيمية. 3-اقتراح بقبول طلبات انضمام لقوى وأحزاب جديدة للجبهة. أكد الاجتماع على أهمية ما قامت به ا…

الإعلام الرسمي وشبه الرسمي السوري مثله كمثل ذاك الجزء من النظام الذي يسيّر شؤونه.. كان طوال الوقت يختصر الوطن فيه، ليكون هو النظام وهو السلطة وهو الدولة وهو الحكومة وهو البلد، وهو الناس، وهو كل شيء.. ولما صار الآن يريد من المواطنين العاديين أن يميزوا أن العدوان الأمريكي سوف يستهدف سورية كلها، وليس النظام فقط، انقلبت معه القصة، مثل الراعي الكذاب، بات لا يجد من يصدقه كثيراً، بل إن البعض من هؤلاء وجدوها فرصة ليكملوا بنهبهم وفسادهم، و«ما لازم حدا يفتح تمو»، فـ«المعركة وطنية»..! بالطرف الثاني، وبالمنطق ذاته، قصر النظر، كحد أدنى، والعمالة المباشرة، كحد أعلى، عند الغالبية من معارضات الخارج تج…

«شرش على بلاط»، مثل شعبي سوري يشير إلى من ليس لديه «شروش»، أي جذور، ضاربة بالأرض أو التربة وإنما على السطح، أي لديه أرضية ضعيفة بشيء معين. اليوم، ومع قرع طبول العدوان الأمريكي على سورية، وما قابلها في اليوم الأول من حديث لوزير الخارجية الروسي عن أن بلاده «لن تدخل في حرب مع أحد»، برز في صفوف «الموالاة» ممن «شرشهم على بلاط»، من لا يستطيعون قراءة المشهد السياسي الدولي الكلي، فانقلبوا من التهليل السابق لـ«أبو علي لافروف» و«أبو علي بوتين» لينهالوا بالشتائم عليهما وعلى موسكو. والبعض من هؤلاء الذين تصوروا أن العدوان سيجري قريباً جداً ذهب إلى حد مغادرة الأماكن الموجود فيها خوفاً..! وبصفوف «المعارضة»…