بـ«المشرمحي» إلى المدعو «جنبلاط»..

وصحيح أنو من الضروري بالمصالح السياسية لملمة كل الأوراق الممكنة وخاصة مع التهديدات المستمرة ضد سورية، وقبلها لبنان، الشعب والمقاومة يللي نحنا كتير معهم، وأنت منهم براء..!

بس كتير صعب علينا أنو نهضم هادا يللي سميتو «اعتذار» أو إنك نبست «بألفاظ لم تكن لائقة وصدرت بلحظة غضب»..

إيه شو كنت مقضي السنوات الخمس الماضية كلها غضبان؟ وشو بيضمنلنا أنو بكرة ما ترجع «تغضب»، إذا ما تقلبت بمواقفك، كالعادة، حسب بورصة المصالح والأدوار؟

يعني بصراحة أنت شخص غير جدير بالثقة..! وبعتقد أنو هادا رأي كل السوريين من البوكمال وكسب... حتى درعا والسويداء..

لسنا حقودين، بس تذكر منيح شو عملت وشو حكيت؟ ولما كانت بيروت والضاحية عم تنقصف، مع مين كنت عم تتغدى، وبمين عم تستنجد «لإنقاذ لبنان»؟ مع «الآنسة» رايس، و«بالأستاذ» فيلتمان.. «على سبيل المثال، لا الحصر»..!   

بنعرف أنو جيّتك ع الشام واستقبالك فيها هو كرم أخلاق من دمشق و«اعتراف» منك بالذنب، وبانكسار «المشروع» يللي كنت عم تراهن على نجاحو...

بس والله ما بتستاهل.. يعني باختصار أنت «شخص غير مرغوب فيه»، وإذا ما فهمتها بالعربي فباللاتيني «بيرسونا نن غراتا/ PNG»..!

مواطنة سورية