خبر عام وتعليق هام.. (خسائر هائلة في موازنة النفط.. )

التعليق: هلق بدي وقف لحظة... شو خص رفع سعر اللتر بانقطاع المادة؟؟؟ يعني المادة موجودة بس بدكن ترمموا فجوات النهب من جيبة المواطن!!! بعدين الحكي عن أية خسارة بموازنة النفط.. وفوقها هائلة كمان.. يعني كأنو بدكم تزيدو علينا حالة الرعب ومو عرفانين كيف.. لك الأسعار عنا أعلى من أسعار كتير من الدول التانية.. اللي مالها خسرانة..

يقول الخبر: «مدير مؤسسة نقل وتوزيع الكهرباء بدمشق أوضح في تصريحات لإذاعة «شام إف إم» المحلية أن تحسن الواقع الكهربائي مرهون بواردات الغاز، حيث أرجع ازدياد عدد ساعات التقنين، لانخفاض واردات الغاز بمحطات التوليد وارتفاع درجات الحرارة».
التعليق: ولك يحرء حريشك يا ماااااان اديشك مهضوم أنت وتصريحاتك... يعني ما فيك تكتفي بموضوع انخفاض واردات الغاز.. لازم تحكي عن ارتفاع درجة الحرارة وتورجينا الحكي الصح من الحكي الـ مش صح... اللذيذ بمسائلينا إنو ما عاد يعرفوا يضحكوا علينا... كلو صار ع عينك يا تاجر...

يقول الخبر: «أشار مدير الإدارة التجارية في الشركة السورية للاتصالات إلى أن معايير التشاركية لمزود (تراسل) وغيره من مزودي بوابات الإنترنت الخاصة تراعي متطلبات جودة الخدمة، وتأمين اتصال جيد للمشتركين وفقاً لحجم الباقة، مبيناً أن مزود (تراسل) يلتزم بمعيار (4 مشتركين على بوابة واحدة) بالنسبة لعدد مشتركي الإنترنت على البوابة الواحدة، بحيث أن نسبة التشاركية في عدد من المزودات الخاصة تصل إلى 12/1وذلك وفقاً لظروف خاصة تتعلق بواقع المنطقة وطبيعة المشتركين».
تعليق: وذلك لأهداف باتت مشروعة لدى جميع المشتركين ألا وهي زيادة الأرباح من جيبتنا كالعادة... لك بعدين عن الحكي عن أية جودة خدمة؟؟ فوق ما خصصتولنا باقات جودتها زفت وسرعة استهلاكا الوهمية- قوية (يعني بتخلص بسرعة حتى من دون استهلاك بسبب الجودة العدم).. وفوقها تشاركية ربحية ع حسابنا؟؟!! فعلاً يلي استحوا ماتوا...

يقول الخبر: «وزارتا التعليم العالي والزراعة تدرسان تعديل نظام الجامعات لتسمية كلية الزراعة بكلية (الهندسة الزراعية) وإدراجها بالمفاضلة العامة مع كليات الهندسة بما يتوافق مع قانون نقابة المهندسين الزراعيين«.
تعليق: يعني منفهم أنو أهم شي التسمية.. علماً من يومها اسمها الدارج هندسة زراعية وإلها نقابة كمان.. أما بالنسبة للمضمون عن جودة التعليم والعملية التعليمية والمستلزمات العلمية- التعليمية بعدين بتحكو فيهن... لشو العجلة.. المهم دائماً الإبداع بدراسة المفروغ منو من المنسيات.. وشكراً ع هل الإبداع العلمي.. والإضافة..