_

فيسبوكيات

نبدأ فيسبوكيات هذا الأسبوع ببوست تهكمي متداول حول إطلاق النار العشوائي الذي صاحب الإعلان عن نتائج امتحانات شهادة التعليم الأساسي، يقول البوست:

نبدأ فيسبوكيات هذا الأسبوع ببوست تهكمي متداول حول إطلاق النار العشوائي الذي صاحب الإعلان عن نتائج امتحانات شهادة التعليم الأساسي، يقول البوست:
• «جارنا ساعتين وهو يقوص.. قلتلوا خير حدا استشهد.. قال لا ابني نجح جاب 140 من 310.. قلتلوا ولهلق مو عارف تصيبوووو؟؟».
حول قيام ورشات الصيانة التابعة لمديرية النظافة في محافظة دمشق، بتوزيع عدد من حاويات القمامة الخاصة بمنطقة المزة 86، علق البعض بما يلي:
• «قسماً بالله فرحتونا أكتر من زيادة الرواتب!».
• «ع بواب ال2020 وعم نسمع هيك خبر.. لك شو تركتو ل2030.. حاج تسبقو الزمن!».
وحول الخبر المنقول عن مصادر رسمية: لا توجد أية حالة وفاة أو أي إصابة وقعت جراء إطلاق الرصاص العشوائي الذي حصل ظهر اليوم عقب صدور نتائج امتحانات الشهادة الأساسية، علق بعض المواطنين بالتالي:
• «يعني صار في إطلاق عشوائي وعّم تطمنونا إنو ما صار إصابات.. ياريت لو مسكتو يلي قوصوا.. أو أخدتوا بحقن شي إجراء..».
• «خسارة والله لازم نعيد إصدار النتائج!!».
حول الخبر الذي يقول: «بناء على توجيهات قيادة شرطة محافظة ريف دمشق لقمع ظاهرة الدراجات النارية المهربة.. تمكن مركز شرطة جديدة عرطوز من مصادرة عدد منها ضمن حملة مستمرة لمكافحة هذه الظاهرة حتى الانتهاء منها في جديدة عرطوز والفضل، علق بعض المواطنين بما يلي:
• «لا فرق بين الدراجة المهربة والنظامية إذا كان سائقها قليل أدب وتربيه».
•«ليش ما يروحو ع التاجر يلي عم يبيع ولا شاطرين بس يشلحو المعتر؟!».
خبر من صفحة الحكومة حول شركة تاميكو يقول: «المعنيون في الشركة مطالبون بإعداد نظام حوافز جديد يساهم بتحقيق الرضا الوظيفي في العمل، والتحفيز على الكفاءة الإنتاجية ، ليتم اعتماده من قبل مجلس الوزراء لاحقاً»، وقد علق المواطنون بما يلي:
• «ما بدها شي.. نفس القديم بس ضرب 10».
• «شو مشان طبيعة عمل فنيين الأشعة».
نختم ببوست من إحدى الصفحات الخاصة، حول خبر توصية لجنة المتابعة في مجلس محافظة دمشق برفع رسم النظافة في فاتورة الكهرباء التي تصدر كل شهرين، ليصبح 500 ليرة بدلاً من 70 ليرة، والذي يقول:
• يعني جيبتنا المبخوشة ح تزيد بخوشة بالقانون.. لك تاركين المطارح الضريبية الكبيرة تبع الحيتان الكبار ولاحقين ع جيوبنا.. لك معقول هاد الرفع الكبيييير ياجماعة.. يعني كنا ندفع بالسنة ٤٢٠ ليرة صرنا بدنا ندفع ٣٠٠٠ ليرة.. لك وياريت في نظافة متل الخلق والناس أصلاً.. والمصيبة أنو بقية المحافظات بكرا بتعمل هيك كمان! السؤال: طيب وين عم تروح إيرادات المحافظة ومخصصاتها المالية؟
وناقل الكفر ليس بكافر.

معلومات إضافية

العدد رقم:
923

قد يهمك قراءة إحدى المقالات التالية