فيسبوكيات

فيسبوكيات

نبدأ فيسبوكيات الأسبوع ببوست «كهربائي» متداول يقول:
• «نحنا السوريين مو شايفين حدا قدامنا.. مو تكبر..!!؟ بس ما في كهربا لنطس..!»

خبر على الصفحة الرسمية لوزارة الكهرباء حول قيام الضابطة العدلية في ريف دمشق بإزالة التعديات على الشبكة العامة.. وقد علق بعض المواطنين على ذلك بما يلي:
• «المفروض تجيبو الكهربا للبشر بما انو قضيتو عالفساد بالكهربا».
• «كتير منيح ويعطيون العافية .. بس مين بده يلاحق اللي عم يتلاعب بساعات التقنين؟ انا؟».
خبر على لسان مدير فرع الإنارة في محافظة دمشق يقول: «دراسة جديدة للإنارة الذكية، والمحافظة بصدد تطبيق آلية تعتمد سوية محددة في الإنارة عبر أجهزة موصولة ببعضها عن طريق الواي فاي.. ». وفيما يلي بعض التعليقات عليه:
• «الله يستر هالبلد من كلمة الذكية يلي عم تلزقوها بكلشي».
• Wi fi«.. مو ليكون في كهربا أول!».
خبر من وزارة الاتصالات والتقانة يقول: «تبين أن /70/ بالمئة من المستخدمين يعتمدون على تطبيقات التواصل الاجتماعي من (فيسبوك- واتس آب– يوتيوب)». وفيما يلي بعض التعليقات على مضمونه:
• «إي شو يعني.. تحليل هاد ولا في نوايا مبيته عند الوزاره..؟»
• «في استخدام زيادة عالتطبيقات لازم تعملو بطاقة زكية لتطبيقات التواصل الاجتماعي».
خبر متداول على الصفحات العامة عن لسان مدير عام سادكوب حول البطاقة الذكية لتوزيع الغاز المنزلي، وقد عقب بعض المواطنين بما يلي:
• «دُول مافي بأراضيها غاز أبداً بتمدد لمواطنيها الغاز بالأنابيب ع البيوت... وهون الجرة صارت حلم.. »
• «ما بتظبط عيلة من ١٠ اشخاص متل العيلة يلي فيها أربع اشخاص وولاد صغار متل صبايا وشباب».
خبر على صفحة الحكومة الرسمية حول دراسة الآثار الناجمة عن الآلية المتبعة حالياً في دعم محصول القطن، وإيجاد الآلية المناسبة لدعم هذا المحصول..
«وفيما يلي بعض مما علق به المواطنون:
«وفرو المازوت بالأول لتزرع الناس ما في مازوت».
• «أهم ما في الأمر تأمين الري للمحصول وخاصة من قنوات الري وليس من الآبار حتى لا نستنزف المياه الجوفية».
خبر آخر من صفحة الحكومة عن إعداد دراسة حول تأمين اللحوم لاسيما الحمراء منها بأسعار مناسبة..، وفيما يلي بعض التعليقات عليه:
• «ليش المواطن معو يجيب خبز لحتا ياكل لحمة يتساءل مواطنون».
• «إي بكرا بصدرو الخواريف عالسعودية وبيستوردولنا لحم عجل متلج غير صالح للاستهلاك البشري».
ونختم ببوست حول التعديلات على عقوبات التسول من إحدى الصفحات الخاصة يقول:
• «الحكومة تكافح التسول وتحوّل أكثر من مليون موظف إلى شحادين!».
وناقل الكفر ليس بكافر..

معلومات إضافية

العدد رقم:
907
آخر تعديل على الإثنين, 01 نيسان/أبريل 2019 21:34